Publicar mapas

Nomao permite elaborar "gadgets ou widgets" para poñer mapas personalizados no noso blog ou web.
No mapa poden engadirse os lugares favoritos con fotos e textos.
Interesante para facer unha guía interactiva ou un itinerario guiado. Posiblemente faga algo ao respecto máis adiante.

Mapas topográficos de Galicia

O SITGA permite a consulta dos mapas topográficos de Galicia. Hai que seleccionar a cuadrícula e logo a folla para abrir un documento PDF.
Tamén un mapa interactivo.

Mapas en relevo

Fai un cuantos días indicábamos unha páxina de mapas con curvas de nivel, baseada no Google Maps. Agora, vía Cosassencillas, entérome que hai outra, Maps-for-free, que mostra o relevo, tamén baseado en Google Maps.

Mapas con curvas de nivel

En EarthTools podemos ver os mapas de Google Esarth con curvas de nivel, o cal é interesante para coñecer os desniveis do terreno. Tamén para certos traballos relacionados cos métodos SIX (sistemas de información xeográfica).
Sirva como exemplo a imaxe da Ría. Pódense ver as curvas sobre o mapa ou sobre a imaxe de satélite.
Este é o mapa da Ría de Arousa.

Novidades Google Earth

Aínda non instalei o novo Google Earth que incorpora Sky, un mapa do ceo. Pero acábome de enterar en Genbeta que tamén inclúe un simulador de vó que se activa con CTRL+Alt+A. Escóllese aeroporto e avión e faise avanzar con AVPág. Despégase con frecha abaixo, coas frechas esquerda e dereita xiramos, diminúese a velocidade con RePág. Descéndese con frecha arriba, e haai máis teclas con outras funcións.
Xa podemos sobrevoar virtualmente por riba da nosa casa. Teño que instalar a nova versión para probar.