Baixar vídeos de youtube

En Kissyoutube podemos descargar os vídeos que nos interesen de youtube e transformalos no formato de vídeo que nos interese. Podemos ir á páxina e pegar o enlace ó vídeo que desexemos. Pero resulta máis fácil copiar e pegar no navegador o enlace de youtube e logo escribir kiss antes da palabra youtube. Por exemplo, se o enlace é http://www.youtube.com/watch?v=jyhT2v5DMwU, hai que escribila como http://www.kissyoutube.com/watch?v=jyhT2v5DMwU. Logo pulsar entrar e listo. Solo nos falta seleccionar o formato de vídeo e descargalo no disco duro.

Crear historietas online

En Storytop podemos crear historietas para incorporar nun blog ou nunha presentación, co obxecto de facela máis amena. Tamén Stripgenerator nos permite crear historiestas, ainda que neste caso son en branco e negro.
Podemos gardar as historietas na nosa conta para logo crear enlaces a un blog ou web, e tamén as podemos baixar ó noso disco duro.
Como exemplo fixen esta historieta:

Presentacións en Flash

Pasar unha presentación a flash é moi facil con Open Office. Hai que utilizar Impress, que é o equivalente a Power Point de Microsoft Office.
Se temos a presentación e Power Point podémola importar a Impress; pero tamén a podemos crear con Impress do mesmo xeito que se fai con Power Point.
Logo non temos máis que exportar como Macromedia Flash e colocala nunha páxina web ou blog para vela desde o navegador. Co programa SWFOpener tamén a podemos ver directamente sen necesidade de utilizar un navegador.
En Fle d'artifice hai unha presentación en flash que explica moi ben como utilizar Impress para elaborar un diaporama e colocalo nun blog.

Como facer unha boa presentación educativa

En Cosassencillas expóñense as regras para facer unha boa presentación educativa.
Por exemplo,a regra 10/20/30, de Guy Kawasaki, di que unha presentación non debe contar con máis de 10 diapositivas, cunha duración total de 20 minutos e un tamaño de texto mínimo de 30 puntos.
Tamén podemos considerar a regra 20/20: 20 diapositivas cunha duración de 20 segundos por diapositiva.
Para amenizar as presentacións débese manter o contacto visual coa audiencia e recorrer a anécdotas e algunha chispa de humor.
E aquí un exemplo de como non debe ser unha presentación:

Almacén e retoque de imaxes

En Pikifx pódense subir imaxes do ordenador ou da rede, retocalas e baixalas ou gardalas nunha galería propia. Tamén se poden enviar por correo electrónico ou enlazalas a un blog oupáxina web como se fai en youtube.
Abaixo vai un exemplo de imaxe modificada con efectos de Pikifx.

Videoteca online

En Divoox pódense ver vídeos en español sen necesidade de descargalos. O único é que se nos falta un códec de vídeo (Divx) que non teñamos instalado, ofrécenos a posibilidade de realizar dita instalación.

Debuxar animais

Para debuxar é convinte realizar un boceto previo que logo se vai completando, paso a paso, con máis detalles.
En Lifeandhealth pódense baixar páxinas en formato PDF (pinchar sobre a imaxe para realizar a conversión) para debuxar unha gran variedade de animais.