Videoconferencia

En Orgoo podemos crear unhs sala de videoconferencia. É útil para dar unha clase online ou para un videochat.
Outra alternativa moi similar é MeBean. En ningún dos casos é necesario darse de alta. Basta con crear unha sala de videochat e mandarlle a dirección da mesma aos participantes.
EkkoTV é outra posibilidade, se ben o número de participantes está limitado a tres.
Pero a mellor alternativa de todas, tamén a máis profesional, para impartir unha charla ou clase mediante videoconferencia é Vyew. Neste caso é necesario darse de alta (gratis) para crear unha videoconferencia. Ademais ten a vantaxe de que pode grabarse a videoconferencia para que os usuarios a consulten máis tarde.

Descargar vídeos

En artigos anteriores indicábamos como descargar vídeos de internet. Nun comentario engadido infórmannos que hai un titorial que nos explica o modo de descargar de varias páxinas utilizando dous programas.
Neste outro enlace tamén sinalábamos como baixar vídeos de youtube.
Tamén facíamos referencia a un conversor online de vídeos.

Subtitular vídeos

En Ovestream hai unha aplicación para subtitular vídeos. Paréceme unha utilidade interesante para os profesores que lle queren pasar aos alumnos un vídeo que se atopa noutro idioma, e incluso para resaltar visualmente o que se di nun vídeo, ou tamén para incluír un texto no mesmo.
Para utilizalo hai que darse de alta. Logo o vídeo pode colocarse nun blog ou web a través dun enlace que se subministra ao estilo youtube.
A modo de exemplo inclúo este vídeo do programa americano "Sabes máis que un neno de primaria"

Buscador de vídeos

Blinkx é un buscador de vídeos en Internet que recentemente incorporou os vídeos en español e outros idiomas. Parece ser que na súa base de datos hai 14 millóns de horas de vídeos musicais, documentais, programas de televisión, etc.

Crear videoclips

Acaba de inaugurarse Animoto, unha aplicación "online" que permite crear automática e facilmente videoclips a partir dunha música e dunhas imaxes seleccionadas polo autor.
En poucos minutos crearemos un videoclip de apariencia profesional, listo para subir a youtube.
Claro que en youtube hai varios millóns de vídeos e resulta moi difícil que alguén se fixe no noso. Para chamar a atención sobre a nosa creación é necesario promocionalo. Esteban Panzera explícanos como facelo gratis.
Este é o videoclip promocional:

Baixar vídeos da rede

Fai uns días necesitei baixar un vídeo que non era de youtube, polo tanto non me funcionaba Kissyoutube. Probei con youtube downloader, que teño instaldo no ordenador e nada. Non vai. Impoñíase buscar unha solución, e buscando en internet atopei ClipNabber que funciona iguial que os anteriores; pero que nos da a opción de seleccionar 24 webs de contidos multimedia, e unha máis que pode servir para outras que non se atopen na lista.
Tamén permite a conversión desde o formato flv, o usual neste tipo de páxinas e que require un programa especial para velos. Ademáis ten a vantaxe adicional de poder escoller o idioma español.

Compoñer música é moi fácil

Utilizando Jamstudio, unha aplicación "online", calquera pode compoñer unha canción, incluso sen ter idea de música.
Primeiro hai que escribir as notas dos acordes. Tendo un pouco de idea podemos compoñer nunha escala e tonalidade seleccionada; pero se non temos idea e pulsamos varias notas sobre o mástil da guitarra, o programa se encargará de que sonen ben.
Logo seleccionamos os instrumentos e os estilos. Podemos axustala ó noso ton de voz, realizando un cambio de escal en Key.
Para gardar a composición é necesario estar dado de alta.
Pódese empregar como música de fondo para unha presentación ou vídeo.

Baixar vídeos de youtube

En Kissyoutube podemos descargar os vídeos que nos interesen de youtube e transformalos no formato de vídeo que nos interese. Podemos ir á páxina e pegar o enlace ó vídeo que desexemos. Pero resulta máis fácil copiar e pegar no navegador o enlace de youtube e logo escribir kiss antes da palabra youtube. Por exemplo, se o enlace é http://www.youtube.com/watch?v=jyhT2v5DMwU, hai que escribila como http://www.kissyoutube.com/watch?v=jyhT2v5DMwU. Logo pulsar entrar e listo. Solo nos falta seleccionar o formato de vídeo e descargalo no disco duro.

Videoteca online

En Divoox pódense ver vídeos en español sen necesidade de descargalos. O único é que se nos falta un códec de vídeo (Divx) que non teñamos instalado, ofrécenos a posibilidade de realizar dita instalación.

Conversor de vídeos online

¿Queres poñe-los vídeos de youtube no móvil?. En MC podes transformar gratuitamente calquera formato de audio e vídeo. Soporta os formatos de audio (MP3, OGG, WAV e WMA - só decodificar) e de vídeo (3GP, AVI, FLV, M4V, MOV, MP4, MPG, MPEG, PSP - só codificar, RM e WMV).

Impresionante

A danza da auga