Un canto a Galicia

Esta presentación que ten como fondo musical a canción de Julio Iglesias un canto a Galicia chamoume a atención porque entre as imaxes atópase a virxe do Carme que está no paseo marítimo do Cantiño na Illa de Arousa.
Recordo que cando os quintos decidiron construír unha virxe, en lugar de facer a festa, houbo moitas protestas e a calidade artística e oportunidade de dita virxe foron moi criticadas.
Este video foi feito en Alemaña, probablemente algún fillo de emigrante; pero entre as imaxes de Galicia escolleu a desta virxe.
Sempre pasa así. As obras son criticadas. Critícase a quen fai cousas que se apartan das normas; pero o tempo coloca cada cousa no seu sitio e a cada quen no seu lugar. E senón fixádevos na torre Eiffel: todo París protestou cando a construiron para poñer nela unha antena de transmisión dos actos dunha exposición universal. Hoxe é o símbolo de París.
Non chegaremos a tanto con esta virxe. Eso espero porque tamén eu fun dos que a criticaron. Agora afíxenme a ela e ata me gusta.

GALICIA.pps

Hosted by eSnips

Ao pinchar ábrese a presentación. Para saltar a lectura da xeografía e a historia e pasar ás imaxes hai que pinchar no escudo de Galicia.

O chiquifacha do Gran Wyoming

Camaxe: Música arousán

Entereime a travé de Na Illa da existencia do grupo belga de música celta Camaxe. O seu gaiteiro é o arousán Miguel Allo e a actuación do vídeo é en Loon Plage, en Francia.
Permítome a licencian de copiarlle a Na Illa a súa nota, xa que esta páxina se orienta fundamentalmente á música.

Camaxe
Cargado por Phil-Ketels

Yahoo Media Player

Acabo de ver en Vagabundia unha forma de colocar o Yahoo Media Player nunha páxina web. Parece interesante porque o reproductor das cancións está ben e é moi bonito pero soe fallar con bastante frecuencia.
Intentarei colocar o reproductor de Yahoo cando teña un pouco de tempo.

O noso representante en Eurovisión

Certamente, o festival de Eurovisión está bastante desvirtuado. Non é o que era na España franquista cando un triunfo español no estranxeiro era considerado un triunfo do réxime.
A canción, e o cantante, que nos representarán este ano están cheos de polémica. Un bodrio de canción tanto na letra como na música e un intérprete que nin é cantante nin sabe cantar. Pero quen sabe, en Eurovisión non gañan os mellores (por eso está desvirtuado) e posiblemente se busca chamar a atención polo absurdo.
En fin, esta é a canción que nos vai representar. Ata estaba mellor a versión sen adaptar ás normas do festival. Sería un orgullo gañar con esto?

Mártires da Arousa foi unha das cancións máis votadas da semana

Esta semana a canción "Mártires da Arousa" foi unha das máis votadas en Hispasonicos. Certamente as descargas diminuiron desde que é necesario estar dado de alta para descargalas e votalas. Darse de alta é moi facil.
Recordamos que as cancións pódense descargar pulsando aquí.

Querer é poder

Hay quen con dúas máns non é capaz de aprender a toca-la guitarra e este tipo foi capaz de aprendela a tocar sen brazos.

A siña Carmen: Na flor dos meus anos

Con 80 anos salta á fama da música galega a siña Carmen co disco Na flor dos meus anos.

Por que no te callas

Canción que se está escoitando estes días en Venezuela

Xa se pode baixar Mártires da Arousa

O mp3 da canción Mártires da Arousa xa se pode baixar de Hispasonicos. Parece que está tendo unha boa demanda porque apenas leva un par de horas na rede e xa foi descargada 3 veces das 5 que foi escoitada.
É unha canción dedicada aos paseados e represaliados polo franquismo na Arousa. Todos eles foron traballadores que demandaran melloras sociais.

Canción ecolóxica dos alumnos do colexio Xulio Camba de Vilanova de Arousa

Karaoke online

Nunha entrada anterior recomendaba unha páxina para crear música online. Hoxe vai unha para demostra-las dotes de cantante.
Trátase de Redkaraoke, unha páxina de karaoke na que se pode escoller un estilo e unha canción. Recoméndase practicar antes de decidirse a grabar a nosa canción. Unha vez grabada pode enlazarse a un blog. Tamén se pode votar polas mellores versións grabadas.
Non me atrevín a grabar a miña propia canción; pero aquí vai a versión dun dos máis votados por esta canción de Amistades Peligrosas, Me haces tanto bien.
Sintoo; pero non puiden incorporar a canción no blog. O enlace á mesma aquí.

Me haces tanto bien - Red Karaoke
Por fin dei co erro no código para Blogger. Ao final do código que hai que pegar no blog débese engadir (/embed) entre os símbolos menor (<) e maior (>)

Música científica

É evidente que os instrumentos musicais teñen unha base científica na que xoga un importante papel as matemáticas. A vibración das ondas do aire que producen os instrumentos ten a súa explicación na física.
Pero este vídeo mostra a curiosidade dun novo instrumento, ou mellor dito, mostra como se pode producir música a partir da voltaxe desprendida por dúas bobinas telstar que fan vibrar o aire producindo diferentes tonalidades.

A Rianxeira

Música típica da Ría

Rexistro das obras musicais

As obras musicais e calquera outra que se acolla á propiedade intelectual (textos, imaxes, inventos, ...) deben protexerse no Rexistro da Propiedade Intelectual para evita-lo plaxio. Como podemos reclamar que sexan nosas?
A primeira vez un anda desorientado. Fun á delegación e alí explicáronmo moi claro; pero en Informáticamusical temos unha completa explicación e podemos baixar os documentos que logo nos pedirán na oficina do rexistro.
A obra individual custa uns 12 euros. Pero si inscribimos varias temas como parte dunha obra podémonos aforrar bastantes cartos. Se non recordo mal, por 15 euros inscribín un feixe delas.

Curso de harmonía musical

Michel Barón ofrécenos un curso de harmonía musical que está traducido a varios idiomas, entre eles o castelán e o galego. Pode ser descargalo en formato comprimido zip, que ó abrilo mostra unha páxina web na que podemos escoller o idioma.
Na páxina hai un programa para practica-los exercicios, así como unha actualización dos exercidios.
Pinchando aquí pode descargarse directamente o curso comprimido en formato zip. Hai que respectar as normas de uso: pedagóxico, indicar a fonte, non facer un uso comercial, informar ó autorsobre o seu uso.

Compoñer música é moi fácil

Utilizando Jamstudio, unha aplicación "online", calquera pode compoñer unha canción, incluso sen ter idea de música.
Primeiro hai que escribir as notas dos acordes. Tendo un pouco de idea podemos compoñer nunha escala e tonalidade seleccionada; pero se non temos idea e pulsamos varias notas sobre o mástil da guitarra, o programa se encargará de que sonen ben.
Logo seleccionamos os instrumentos e os estilos. Podemos axustala ó noso ton de voz, realizando un cambio de escal en Key.
Para gardar a composición é necesario estar dado de alta.
Pódese empregar como música de fondo para unha presentación ou vídeo.

Interesante sección de música

En Cosas sencillas hai unha interesante sección de música que é recomendable visitar. Hai de todo.

Buscador de música

Nos enlaces situados na marxe dereita pódese acceder a un buscador de música mp3. Trátase de Franceradio. A música atopada pódese baixar ou enlazar a un blog ou páxina web.

Música en ipod

Agora temos a música nun ipod virtual. Pódese cambiar de pista pinchando directamente na canción, saltar ou retroceder coas fechas dobres ou deter e continuar no triángulo inferior.