Viño tinto contra o cáncer

Nas noticias de hoxe, a Voz de Galicia informa que investigadores da Universidade de Alabama descubriron que o resveratrol, unha substancia que se atopa no viño tinto, reduce os riscos de padecer cancer de próstata e de mama en ratos.
Xa fai tempo os investigadores asociaron o resveratrol coa diminución de colesterol e outras melloras para a circulación sanguínea.
Tamén se sabe que o consumo de froitas e verduras prevén o desenvolvemento de gran variedade de cánceres e outras melloras para a saúde. Realmente, xa desde moi antigo, o consumo de froitas na alimentación é considerado como unha forma de mediciña preventiva e incluso curativa.
Recomendan os científicos consumir un vaso de viño diario, e como máximo dous, completando o aporte de resveratrol con froitas ricas nestas substancia: uvas, frambuesas e arándanos, xa que o consumo excesivo de viño tamén ten consecuencias negativas para a saúde.
Na prensa de hoxe tamén se advirte da posible relación entre o uso de desodorantes co cáncer de mama, xa que se atoparon elevados niveis de alumnino en mulleres sometidas a masectomía.
O aluminio é o principal elemento antitranspirante empregado nos desodorantes.

Música científica

É evidente que os instrumentos musicais teñen unha base científica na que xoga un importante papel as matemáticas. A vibración das ondas do aire que producen os instrumentos ten a súa explicación na física.
Pero este vídeo mostra a curiosidade dun novo instrumento, ou mellor dito, mostra como se pode producir música a partir da voltaxe desprendida por dúas bobinas telstar que fan vibrar o aire producindo diferentes tonalidades.

Os átomos

E xa que falamos de Ciencia, quixera comentar que o Universo está formado a partir da evolución dun único elemento, o Hidróxeno. Os rapaces que comezan a estudiar a Química teñen moitos problemas coa táboa periódica que debe esa periodicidade ós diferentes pasos evolutivos da materia. Atopei, gracias a Genciencia, a páxina Atoms na que podemos observar como son os elementos da materia do Universo.
É moi útil para os estudiantes xa que mostra o número de protóns, as capas, o número de electróns por capa e as órbitas libres.
Xa dicían os filósofos da antiga Grecia que a materia estaba formada por terra, auga e lume. Tamén dicían que a materia estaba formada por átomos. Os átomos necesitan enerxía (lume) para evolucionar a outros elementos. En fin, que non estaban moi equivocados nas súas teorías.
Completo coa imaxe do hidróxeno, o elemento básico do Universo, que ó xuntarse co osíxeno produciu a molécula de auga (o elemento que falta na tríada dos antigos gregos).

Novidades Google Earth

Aínda non instalei o novo Google Earth que incorpora Sky, un mapa do ceo. Pero acábome de enterar en Genbeta que tamén inclúe un simulador de vó que se activa con CTRL+Alt+A. Escóllese aeroporto e avión e faise avanzar con AVPág. Despégase con frecha abaixo, coas frechas esquerda e dereita xiramos, diminúese a velocidade con RePág. Descéndese con frecha arriba, e haai máis teclas con outras funcións.
Xa podemos sobrevoar virtualmente por riba da nosa casa. Teño que instalar a nova versión para probar.

Maxia e ciencia

Os magos e os druidas eran os antigos coñecedores da ciencia. Recorrían á maxia para causar admiración entre os seus concidadáns.
Actualmente a ciencia e a maxia son conceptos diferenciados. Consideramos a maxia como un truco ou engano con fins de diversión.
Pero os magos recorren á ciencia para elaborar os seus trucos. En entradas anteriores vimos algúns exemplos de ciencia máxica. No campo das ilusións ópticas teríamos unhaa gran multitude de exemplos. A maxia científica é empregada polos máis grandes magos da actualidade. En Comolohizo explícannos a base científica de moitos trucos de maxia.
Fíxome moita gracia este truco do gran xenio Juan Tamaríz (xenio da maxia e do humor). Por certo, se vos fixades un pouco pódese ver como o fixo.

Maxia da cinta de Moebius

A cinta de Moebius é coñecida por tódolos galegos xa que é o logotipo de Caixanova. Posúe unhas características que é utilizada polos magos para demostrar os seus poderes; pero non se trata de maxia senón de ciencia pura.
Ten unha soa cara. Cando se corta seguindo asúa cara obtemos unha cinta máis longa. Bueno, mirade este vídeo para coñecer máis dos seus poderes.

Camiñar sobre un líquido

No prograqma de televisión El Hormiguero (que se mostra no vídeo de youtube), varias persoas camiñaron sobre un líquido. A explicación é que se trata dun fluido non newtoniano que se conseguiu cunha dilución de almidón en auga. Segundo explican en Genciencia, nun líquido non newtoniano cando se exerce unha presión aumenta a súa viscosidade. Cando os protagonistas deixan de camiñar fúndense no líquido.