Técnica fotográfica

Atopei en Cheapshooter unha recopilación de 11 vídeos youtube sobre técnicas para mellorar a captación de imaxes fotográficas. Está en inglés; pero merecen a pena.
Exemplo do uso de flash no exterior:

Presentacións "on line"

Así como existen páxinas para publicar os nosos vídeos na rede (youtube, metacafe, ...), tamén podemos publicar as nosas presentacións ou diaporamas con imaxes que tañamos gardadas en Panoramio (española recentemente comprada por Google), FliKr, ...
Subín a Slideshare, quizáis o máis coñecido, algunhas das miñas presentacións en Power Point que agora tamén permite incorporar son. Acabo de descubrir myPlick que é moi similar e permite incorporar música ás presentación.
Outras páxinas permiten elaborar as presentacións "on line", como Prezentit que está en castelán e Spresent.
Mediante a incorporación dun código, as presentacións poden incorporarse nun blog ou web. Por exemplo esta que nos permite coñecer a pintura de Van Gogh.

Baixar vídeos da rede

Fai uns días necesitei baixar un vídeo que non era de youtube, polo tanto non me funcionaba Kissyoutube. Probei con youtube downloader, que teño instaldo no ordenador e nada. Non vai. Impoñíase buscar unha solución, e buscando en internet atopei ClipNabber que funciona iguial que os anteriores; pero que nos da a opción de seleccionar 24 webs de contidos multimedia, e unha máis que pode servir para outras que non se atopen na lista.
Tamén permite a conversión desde o formato flv, o usual neste tipo de páxinas e que require un programa especial para velos. Ademáis ten a vantaxe adicional de poder escoller o idioma español.

Utilidades gráficas

En Mashable hai unha gran variedade de utilidades gráficas e multimedia. Atópanse programas de todo tipo para editar e manipular imaxes. Estiven probando myImager que permite retocar imaxes, elaborar botóns para webs e blogs, así como deseñar fondos.
Tamén hai editores de vídeo "online" e outras utilidades.

Diagramas de fluxo

Os diagramas son moi útiles para diferentes traballos. Tamén para incorporalos en presentacións. Flowchart é unha utilidade "online" para realizar diagramas na rede, sen necesidade de instalar un programa e que ten a vantaxe de permitir a colaboración de varias persoas na súa elaboración, podendo incluso chatear para dar as opinións persoais.
É unha utilidfade moi completa que permite incorporar cliparts e fotografías nos diagramas, así como escoller varios formatos e colorear, exportar e editar.

Pilas de azúcre

Leíno en Genciencia. Sony desenvolveu unha pila de azúcre que fai funcionar pequenos aparatos electrónicos.
Nesta outra páxina móstrase un bolso con panel solar que serve para recargar as baterías do móvil e outros aparatos.
Todo esto está moi ben para comezar a utilizar as enerxías alternativas e renovables.

Titoriais photoshop

Photoshop é un dos programas máis utilizados para manipular fotografías. Na rede atópanse moitos titoriais, algúns deles en vídeos descargables de youtube como se indicou nunha ficha anterior.
Pero nesta páxina hai unha recompilación de 60 titorias avanzados. Recomendable para aprender a utilizar mellor este programa.