Crear cuestionarios

Interesante forma de realizar cuestionarios que se poden crear en MyStudiyo. Exemplo inicial dunha actividade que espero ir incrementando, xa que de momento só ten unha cuestión.

Navegar por imaxes en gran formato

En xRez atopei un curioso sistema de navegación por fotografías en gran formato. Navégase como en GoogleEarth. Interesante.
Por certo, din con esta páxina a través de Mis post-its.

Publicar mapas

Nomao permite elaborar "gadgets ou widgets" para poñer mapas personalizados no noso blog ou web.
No mapa poden engadirse os lugares favoritos con fotos e textos.
Interesante para facer unha guía interactiva ou un itinerario guiado. Posiblemente faga algo ao respecto máis adiante.

Utilidades web 2.0 para educación

En Eduvlog atopei esta presentación na que se fai un listado de aplicación útiles para empregar no ensino.

| View | Upload your own

Crear un blog de enlaces gráficos

Monkiri permítenos crear un blog empregando capturas das webs visitadas mediante un botón que se instala no navegador.

Páxinas web colaborativas

Mediante GoogleSites pódense crear páxinas web colaborativas. Por exemplo unha web da clase. O problema é que temos que compartir unha conta de Google o cal me parece un problema. Eu empregaría mellor un blog xa que pode darse permiso para entrar mediante varias claves.

Videoconferencia

En Orgoo podemos crear unhs sala de videoconferencia. É útil para dar unha clase online ou para un videochat.
Outra alternativa moi similar é MeBean. En ningún dos casos é necesario darse de alta. Basta con crear unha sala de videochat e mandarlle a dirección da mesma aos participantes.
EkkoTV é outra posibilidade, se ben o número de participantes está limitado a tres.
Pero a mellor alternativa de todas, tamén a máis profesional, para impartir unha charla ou clase mediante videoconferencia é Vyew. Neste caso é necesario darse de alta (gratis) para crear unha videoconferencia. Ademais ten a vantaxe de que pode grabarse a videoconferencia para que os usuarios a consulten máis tarde.