Outono seco, ¿cambio climático?

Recordamos o outono de 2006 polas inundacións, aínda que certamente non choveu moitos días, senón que nuns poucos choveu todo xunto. Este ano, polo de agora, non choveu nada e os cogumelos están á espera dun pouco de auga para saír, ¿ou é que non van saír este ano?.
Os científicos relacionan todo esto co cambio climática. Non todos, xa que algúns están comprados polas multinacionais enerxéticas e basean a súa opinión interesada na imposibilidade de predicción do clima nun período corto de tempo, se ben é sabido que as comparacións deben facerse por períodos non inferiores a 10 anos.
Ante todo esto, o primo de Rajoy non ten dúbida en afirmar que o cambio climático é unha tontería, en tanto que a ONU. baseándose no consenso de 3.500 científicos, sinala por boca do seu secretario xeral Ban Ki-Mon que o cambio climático é real, que se debe nun 90 % ás actividades humanas e que existen medios para combatelo e pide aos políticos que acepten o informe da ONU.
O subdirector do grupo de científicos que elaborou o informe da ONU afirma que: «Sí, o home é culpable do cambio climático. Sí, podemos facer algo. Sí, xa contamos con tódolos medios para facelo. Pero debemos comezar de inmediato».
Segundo o informe aínda estamos a tempo para evitar danos maiores, xa que o peor virá cando a temperatura media mundial se incremente en sous graos.
Al Gore recibiu o Premio Nobel pola súa campaña mundial en contra do cambio climática, sendo criticado porque emprega algúns recursos alarmistas pouco fundamentados científicamente. Certamente parece ser que esaxera en algúns aspectos; pero na maioría coincide co informe dos científicos da ONU.
Agora cada un pode decatarse por confiar nos 3.500 científicos da ONU ou no primo de Rajoy.